Air Astana әуекомпаниясы ауа райына байланысты Қазақстан бойынша рейстер кешіктірілуі мүмкін екенін мәлімдеді.
Air Astana мәліметінше, рейстердің кешігуіне ұшу мен қонуды қиындата түскен ауа райы себеп болған. Ауа райы күрт өзгерген жағдайда ұшу мен қону кестесінде өзгерістер болуы мүмкін.
Компания рейс туралы соңғы ақпаратты сайттан тексеріп отыруға кеңес берді. Сонымен қатар, ұшу уақыты туралы әуежайға шығар алдында байланыс орталығынан нақтылауға болады. Егер рейс өзгерген жағдайда жолаушылар билетті тегін қайта тапсыруға немесе күнін өзгертуіне болады. Синоптиктердің мәліметінше, Қазақстанның басым бөлігінде қар мен тұман аралас жел болмақ.
