Жаңа адамдар Республика күніне орай алып қашу, сталкинг пен тұрмыстық зорлық-зомбылыққа қарсы заңдар шабыт берген клип ұсынды, деп хабарлайды Skifnews.kz ақпарат порталы.
Республика күніне орай Жаңа адамдар қозғалысы Özim атты қыздар бэндінің дебюттік клипін таныстырды. «Ban» трегі заманауи Қазақстандағы әйелдердің рөлінің өзгеруіне арналған. Бұл шығарма — жаңа уақыттың — әрбір әйелдің еркіндігі, абыройы мен қауіпсіздігі мәдени ғана емес, заң жүзінде де қорғалатын дәуірдің музыкалық символы.
Соңғы жылдары Президент Қасым-Жомарт Тоқаевтың бастамасымен елде әйелдердің құқықтарын қорғауды күшейтуге бағытталған түзетулер қабылданды. Оларға отбасылық-тұрмыстық зорлық-зомбылық, сталкинг және неке қиюға мәжбүрлеу үшін жауапкершілікті қатаңдату шаралары кіреді. Бұл реформалар — жай ғана заңнамалық өзгерістер емес, қоғамның әділ әрі жауапты болуға ұмтылған терең трансформациясының көрінісі. Әйелдердің құқықтарын қорғау аясында Қазақстан Орталық Азия мен ТМД елдерінің ішінде неке қиюға мәжбүрлеу үшін қылмыстық жауапкершілікті енгізген алғашқы мемлекет болды.
«Ban — әйелдің қорғалуына, естілуіне және құрметті болуына деген құқығы туралы ән. Бұл — заңдары қоғамның сұранысын бейнелейтін ел үшін мақтаныш», — дейді Özim тобының мүшелері.
Әнде электронды әуен, этникалық сарындар мен рэп үйлесіп, заманауи қазақстандық әйелдің — өзіне сенімді, дербес және жасампаз бейнесін ашады.
Адалят Рахидинова, Жаңа адамдар: «Бүгінде Қазақстандағы әйел өз қауіпсіздігінің заңмен бекітілгенін мақтан ете алады. Алайда одан да маңыздысы — қоғамда сыйластық пен жауапкершілік мәдениетін өзіміз қалыптастыру. Біз мұны “Ban” клипінде жеткізгіміз келді: музыканың тілімен жаңа құндылықтар мен ертеңге деген сенімділік туралы айттық».
Посмотреть эту публикацию в Instagram
Публикация от Жаңа адамдар жастар қозғалысы ???????? (@zhana.adamdar)
