Қазақстандық қоймалар 30 млн тонна астық сақтауға қауқарлы. Бұл биылғы өнім көлеміне толық жеткілікті. Секторға жауаптылар осылай дейді.
Елде 13,2 млн тонна тауар сақтауға арналған лицензияланған астық қабылдау кәсіпорындары бар. Сондай-ақ 17,4 млн тонна өнім ауыл шаруашылығы тауар өндірушілерінің өзінде сақталады. Алда бұл меже өседі. Үкімет қойма ісін ілгерлетуге әрі қолдауға бейілді. Мәселен, салаға салым саламын деген инвесторлар үшін шығынның 50 пайызына дейін өтеледі.
