АҚШ өкілі Коко Гауфф Францияның ашық чемпионатының (Ролан Гаррос) финалында Беларусьтің үздік теннисшісі Арина Соболенконы жеңіп, әйелдер арасындағы жеке сында алғаш рет турнир жеңімпазы атанды, деп хабарлайды El.kz интернет порталы.
Финалдық кездесу Париждегі "Филипп Шатрие" кортында өтті. Қарсыластар үш сет бойы күресті, алғашқысы тай-брейкке дейін созылды. Нәтижесінде, Гауфф 6:7 (5:7), 6:2, 6:4 есебімен жеңіске жетті. Ойын 2 сағат 38 минутқа созылды.
21 жастағы Коко Гауфф бұл жарыста алғаш рет жеке сында жеңімпаз атанып отыр. Айта кетейік, өткен жылы ол «Ролан Гаррос» турнирінде жұптық сайыста чехиялық Катерина Синяковамен бірге чемпион болған еді.
