Қостанай облысында полиция екі бірдей көлік ұрлығын ізін суытпай ашып, күдіктілерді ұстады.
Бірінші оқиға Рудный қаласында болған. Honda Civik автокөлігін күдікті аулада тұрған жерінен мініп кеткен. Бейнебақылау камераларының көмегімен полиция оның жүрген жерін жылдам анықтап, қолға түсірді.
Ал екінші оқиға Қостанай қаласында тіркелді. Полиция қызметкерлері түнгі кезекшілік кезінде жоғары жылдамдықпен келе жатқан көлікті байқап, оны тоқтатуға тырысады. Алайда жүргізуші заңды талапқа бағынбай қаша жөнелген. Сөйтіп бірнеше рет жол ережесін бұзды. Соңында электр бағанына соғылып тоқтаған сәтінде ұсталды. Көлік ұрлағандардың екеуінің де ішімдік ішкені анықталды. Олар қамауға алынып, үстерінен бірнеше бап бойынша қылмыстық іс қозғалды. Жалпы облыста биыл жүргізілген кешенді шаралардың арқасында қылмыс 10,6 пайызға төмендеген. Президент 2024 жылғы халыққа жолдауында қоғам қауіпсіздігіне баса назар аударған еді.
Эльмира Ыспандиярова, жергілікті Полиция қызметі басқармасының аға инспекторы:
Полиция қызметкерлері бейнебақылау камералары арқылы 200 мыңнан астам әкімшілік құқық бұзушылықтың алдын алды. Тұрғындардың да заңды сақтауға атсалысуы артып келеді. Соңғы екі айда Egov пен Kaspi арқылы 100-ге жуық өтініш түсті, олардың басым бөлігі жол ережесін бұзуға қатысты.
Мәдина Нағашыбай
