Алматылық «Қайраттың» Real Madrid тәрізді еуропалық командалармен кездесетіні жайлы хабар-ошарлар әлем ақпарат құралдарында көптеп жарияланып жатыр.
Францияның маңдайалды телеарнасы France24 жеребе тарту рәсімінен материал жариялады.
Оның мәліметінше, «Реалға» оңай қарсылас бұйырмады, себебі испандық клубтың футболшыларына «Қайратпен» кездесу үшін 6420 шақырым жол жүруге тура келеді.
Осы тақырыпқа Американың айтулы басылымы The New York Times газеті мақала әзірледі. Оның дерегінше, «Қайрат» алдағы матчтарда «Реал Мадрипен» ғана емес, «Арсенал», «Интер», «Пафос», «Копенгаген», «Спортингпен» де кездеседі.
«Қайрат» жайлы материал Африканың нөмірі 1-ші футбол порталы FootAfrica сайтында да жарық көрді. 4 миллионға жуық жазылушысы бар басылымның мәліметінше, алматылық клуб еуропалық командалармен ойнау үшін 45 мың шақырымды артқа тастап, жер шарын айналып өткеннен де ұзақ сапар шегеді екен.
Ал Американың CBS телекомпаниясының пікірінше, үш жарым сағаттық мачта «Қайрат» аса мықты «Селтик» командасының бір голын да өткізбей, осал еместігін дәлелдеді және де осы арна тілшісі айтқандай, қайраттықтар өз тарихындағы өте маңызды ойындарға мейлінше дайындалатынына күмән жоқ.
Монакода өткен жеребе тарту рәсімінің қорытындысына BBC мен панарабтық al-Jazeera телекомпаниялары хабар арнап, енді «Реал Мадрид» футболшыларының шығыстағы ел – Қазақстанға да аттанатынын атап өткен.
Арыстан Рысбек
