Қазақстанның бірінші, әлемнің 2-ракеткасы Елена Рыбакина Рим (Италия) WTA 1000 турнирінде бастапқы кездесуін 8 мамыр күні өткізеді.
Жарысты екінші айналымнан бастайтын қазақстандық теннисші әлемнің 47-ракеткасы, грекиялық Мария Саккаримен ойнайды, деп хабарлайды inbusiness.kz сайты.
Осыған дейін қарсыластар өзара алты рет кездесіп, соның бесеуінде Е.Рыбакина жеңген. М.Саккари Римде алғашқы айналымда рейтингіде 92-орындағы аустриялық Лилли Таггерден айласын асырды – 5:7, 6:3, 6:0.
Грекиялық спортшыны жеңген жағдайда Рыбакина үшінші айналымда әлемнің 33-ракеткасы, қытайлық Синьюй Ван немесе рейтингіде 42-орындағы Александра Эаланың қай жеңгенімен шеберлік байқасады.
Тағы бір қазақстандық, әлемнің 77-ракеткасы Юлия Путинцева алғашқы айналымнан аса алмай қалды. Ол кеше рейтингіде 48-сатыдағы чехиялық, 19 жастағы Тереза Валентоваға жол берді – 3:6, 2:6.
Осының алдында Мадридте Ю.Путинцева Т.Валентовадан 4:6, 6:4, 6:3 есебімен басым түскен еді.
