Шотландиялық үш ағайынды Тынық мұхитын қайықпен кесіп өтіп, жаңа рекорд орнатты.
Олар Перуден Аустралияның Кэрнс қаласына дейінгі 15 мың шақырымды 139 күнде еңсерді. Бұл – Оңтүстік Америкадан Жасыл құрлыққа тоқтамай жеткен тарихтағы алғашқы команда. Сапар оңай болған жоқ. Ағайындылар жолда күшті дауылға тап болып, жарақат та алған. Дегенмен жігіттер бұл жетістіктеріне дән разы. Себебі олар қайырымдылық мақсатта бір миллион доллар қаржы жинаған. Айта кетейік, бұған дейінгі рекорд ресейлік Фёдор Конюховқа тиесілі еді. Ол 2014 жылы мұхитты небәрі 160 күнде кесіп өткен болатын.
