1 қыркүйектен бастап Қазақстанда "Учаске" жедел алдын алу іс-шарасы өтіп жатыр, — деп хабарлайды Massaget.kz тілшісі.
ІІМ мәліметінше, оның мақсаты — қауіпсіздікті арттыру және жергілікті жердегі мәселелерді анықтау.
Тұрғын үйлерді аралау барысында полиция қызметкерлері мына жайттарға назар аударады:
- сотталған немесе профилактикалық есепте тұрғандарға;
- есепте тұрған отбасылардағы балалардың тұрмыс жағдайына;
- қару сақтау ережелері сақталуына;
- пәтер жалдаушылар мен уақытша тұрып жатқан адамдардың тіркеуіне;
- тұрмыстық зорлық-зомбылық, маскүнемдік пен есірткіге тәуелділік деректеріне.
Еске салайық, бұған дейін WhatsApp-та өздерін полиция өкілдері деп таныстыратын адамдар үйлерді аралап жүргені туралы ақпарат тарады. Алайда ІІМ бұл ақпарат шындыққа жанаспайтынын мәлімдеді.
Өзекті жаңалықтарды өз уақытында оқу үшін Facebook парақшамызға жазылыңыз!
