Түркістан облысы Кентау қаласында жаңа туған нәрестенің денесі табылып, бұл дерек бойынша қылмыстық іс қозғалды, — деп хабарлайды Massaget.kz тілшісі.
Полиция мәліметінше, баланың анасын анықтауға бағытталған жедел іздестіру іс-шаралары жүргізіліп жатыр.
"Полиция қызметкерлері аулаларды аралап, бейнебақылау камераларының жазбаларын зерделеп жатыр. Сондай-ақ, жақын орналасқан үйлердің тұрғындарымен және куәгерлермен сұхбаттасып жатыр", — деді Түркістан облысы ПД баспасөз қызметі өкілі.
Бұдан бөлек, медициналық мекемелер де кешенді түрде тексеріліп жатыр.
"Барлық мән-жайды анықтау мақсатында тергеу жалғасып жатыр. Тергеу нәтижелері бойынша заңға сәйкес тиісті шешім қабылданады", — деп жазылған хабарламада.
Қызықты жаңалықтар мен видеоларды көру үшін TikTok арнамызға жазылыңыз!
