Семейде қала әкімі сайлауының нәтижесі белгілі болды. Шаһар басшысы болып Әділет Қожанбаев сайланды. Оны дауыс берушілердің 77,1 пайызы қолдаған.
Әділет Қожанбаев осыған дейін Көкпекті ауданы әкімі болған. Мемлекеттік қызметте тәжірибесі бар. Сайлауға түскен өзге үміткерлердің арасында Қаныш Төлеуов сайлаушылардың 10,8 пайыз дауысын алса, Айболат Бекжасаров 8,4 пайыз қолдауға ие болды. Жалпы Семей қаласы бойынша дауыс беруге құқығы бар 220 761 адам тіркелген. Қала әкімін сайлауында соның жартысынан астамы өз таңдауын жасады.
Гүлжан Қуанышева, Қалалық аумақтық сайлау комиссиясының төрағасы:
- Семей қаласы аумақтық сайлау комиссиясы шешті. 1980 жылы туған Абай облысы Көкпекті ауданы әкімінің қызметін атқарған, Көкпекті ауылында тұратын Қожанбаев Әділет Нұрсағатұлы Абай облысы Семей қаласының болып тіркелді.
