Көрші ел жемқорлықпен білек сыбана күреспек.
Өзбекстан президенті Шавкат Мирзиёев жемқорлықты елдің дамуындағы басты қауіп екенін айтты. Осыған байланысты 2026 жылдан бастап сыбайлас жемқорлыққа қарсы жаңа бақылау жүйесін енгізілмек. Бұл жүйе 1 қаңтардан бастап барлық ведомстволарда жұмыс істей бастайды, деп хабарлайды inbusiness.kz сайты жергілікті БАҚ-қа сілтеме жасап.
Өзбекстан парламент пен ел халқына үндеу жолдады. Мирзиёев 2026 жылы жемқорлыққа қарсы шаралар саласында "төтенше жағдай" жариялағанын хабарлады.
"Жемқорлық – мемлекеттің дамуына кедергі келтіретін, әділеттілік пен заң үстемдігін әлсірететін, қоғамдағы сенім деңгейін төмендететін ең үлкен қауіп. Жемқорлыққа жол беру реформаларымызға жасалып жатқан сатқындық деген сөз. Бұл – сатқындық", – деді Өзбекстан президенті.
Оның сөзінше, Өзбекстан қатал шараларсыз діттеген даму мақсаттарына жете алмайды.
"Егер төтенше жағдай жарияламасақ, мен айтқан көрсеткіштерге жете алмаймыз. Әлемдік қауымдастықтың бізге деген сенімі азаяды", – деді Шавкат Мирзиёев.
