Forbes журналының мәліметінше, америкалық кәсіпкер Илон Маск байлығы 600 миллиард доллардан асқан тарихтағы алғашқы адам болды.
Журналдың жазуынша, желтоқсан айының басында SpaceX ғарыш компаниясы акцияларды сатып алуға арналған жария ұсыныс жасаған. Осы мәміле нәтижесінде компанияның нарықтағы бағасы 800 миллиард долларға жеткен. Ал бұған дейін, тамыз айында, инвесторлар SpaceX-ті 400 миллиард долларға бағалаған еді.
Forbes дерегіне сәйкес, Маск SpaceX компаниясының шамамен 42 пайызына иелік етеді. Бұл оның жеке байлығын 168 миллиард долларға арттырып, жалпы көлемін 677 миллиард долларға жеткізген. Бұған дейін әлемде ешбір миллиардердің байлығы 500 миллиард доллардан аспаған.
Қазіргі таңда Илон Масктың SpaceX-тегі үлесі 336 миллиард долларға бағаланып отыр. Ал Tesla компаниясындағы үлесінің құны 197 миллиард долларды құрайды.
