Жаңа цифрлық құжат ынтымақтастық аясында жүзеге асырылды.
Әрекетке қабілетсіз кәмелетке толған азаматтарға қорғаншылық белгілеу туралы ақпаратты енді eGov Mobile қосымшасы арқылы "Цифрлық құжаттар" бөлімінде алуға болады, деп хабарлайды inbsuiness.kz сайты.
Құжат ҚР Еңбек және халықты әлеуметтік қорғау министрлігінің барлық тіркелген қорғаншылар мен қамқоршыларды, сондай-ақ олардың қамқорлығындағы азаматтарды есепке алатын ақпараттық жүйесінің деректері негізінде автоматты түрде қалыптастырылады. Ол мынадай мәліметтерді қамтиды: ЖСН, қорғаншы мен қамқоршылыққа алынушының Т.А.Ә., туған күні, жергілікті атқарушы органның бұйрығының нөмірі мен күні, "Күні жарамды" өрісінің болуы. Құжатты қызметтерді алу, әртүрлі ұйымдарға хабарласу және т.б. кезінде көрсетуге болады.
Жаңа цифрлық құжат ҚР Еңбек және халықты әлеуметтік қорғау министрлігі, ҚР Цифрлық даму, инновациялар және аэроғарыш өнеркәсібі министрлігінің Мемлекеттік қызметтер көрсету комитеті, "Еңбек ресурстарын дамыту орталығы" АҚ және "Ұлттық ақпараттық технологиялар" АҚ арасындағы ынтымақтастық аясында жүзеге асырылды.
