25 қазанға қараған түні "Rixos" қонақүйі маңындағы жолда жантүршігерлік жол апаты болды, — деп хабарлайды Massaget.kz тілшісі Lada.kz-ке сілтеме жасап.
Дереккөздердің мәліметінше, 2001 жылы туған мотоцикл жүргізушісі жолға кенет жүгіріп шыққан жылқымен соқтығысқан. Соққы салдарынан жануар оқиға орнында қаза тапты, ал жүргізуші ауыр жарақат алып, көз жұмды.
Оқиға орнына келген мотоциклшілердің айтуынша, көлік құралының аспап-құралдар панелінде минутына 8000-ға жуық айналымды көрсетіп тұрған, жігіт алтыншы берілісті қосқан.
Жүргізушілер демалыс базаларына баратын жолдағы қауіпсіздік мәселесін бұған дейін де көтерген. Олардың сөзінше, трасса қоршаулармен жабдықталмаған, жол жиегінде еркін жайылатын мал жиі жүр, олар еш кедергісіз жолға шығып кетеді.
Жануарларда жарық қайтарғыш ленталар немесе ескерту белгілері болмауының салдарынан жүргізушілерге түнде көрінбейді, бұл жиі жол-көлік оқиғаларына әкеледі.
Автокөлік иелері мен мотоциклистер жергілікті билік пен мал иелерін трассаларда қауіпсіздікті арттыру шараларын қабылдауға шақырады. Олардың пікірінше, ескерту белгілерін орнату, сондай-ақ жануарларды жарық қайтарғыш элементтермен қамтамасыз ету қажет. Бұл жаңа апаттардың алдын алып, адам өмірін қорғауға көмектеседі.
Instagram парақшамызға жазылып, ең қызықты ақпараттарды бірінші болып оқыңыз!
