Бұл туралы "Қазақстан темір жолы" баспасөз қызметі хабарлады.
KTZ Express (ҚТЖ ҰК еншілес компаниясы) "Славтранс-Сервис" АҚ (РФ) және "ТЛЦ Алатау" ЖШС-мен Алматы облысында агроиндустриалды парк жобасын іске асыру бойынша ынтымақтастыққа қол қойды, деп жазады inbusiness.kz сайты.
Салтанатты рәсім Мәскеу облысында өткен халықаралық көп салалы бизнес-миссия аясында өтті. Тараптар жобаны дамыту және ілгерілету бойынша бірлескен жұмыс туралы уағдаласты.
Агроиндустриалды парк Алатау қаласында (Alatau city) орналасады. Парктың инфрақұрылымы заманауи "А" класты қойма кешенін, көп температуралы қоймаларды, контейнерлік терминалды, көтерме сауда орталығын, сондай-ақ фитосанитариялық бақылау және кедендік ресімдеу аймақтарын біріктіреді.
ҚТЖ жаңа нысан өндірушілердің, экспорттаушылардың және сауда желілерінің мүдделері бірыңғай жүйеге қосылатын көпфункционалды хабқа айналатынын атап өтті.
"Жаңа парк логистикалық тиімділікті арттырып қана қоймай, сонымен қатар өндірушілерге жаңа сату арналарына қол жеткізе алатын қолайлы жағдай жасайды. Қазақстандық компаниялар халықаралық нарықтарға тезірек және оңай шыға алады, ал өңір экономикалық өсу үшін қуатты серпін алады", – деп атап өтті ҚТЖ баспасөз қызметі.
ҚТЖ үшін жобаға қатысу Қазақстанның логистика саласындағы ұстанымын күшейтетін және елдің экспорттық әлеуетін дамыту үшін жаңа мүмкіндіктер туғызатын стратегиялық қадам болып табылады.
