Дональд Трамп бұған дейін АҚШ пен Еуропалық Одақ Киевке америкалық қару-жарақ жіберуге келіскенін хабарлады
Бұл туралы Caravan.kz медиа порталы Sputnik.kz-ке сілтеме жасап хабарлайды.
АҚШ-тың Еуропадағы одақтастары Украинаға қорғаныс жүйелерін ғана емес, сонымен қатар артиллериялық снарядтар, оқтар және басқа да оқ-дәрілер сатып алады, деп мәлімдеді АҚШ-тың НАТО-дағы тұрақты өкілі Мэтью Уитакер. Бұл туралы РИА Новости хабарлады.
«Артиллериялық снарядтар, оқтар мен оқ-дәрілер сияқты заттар сатып алынады деп күтіліп отыр», — деді ол Bloomberg агенттігіне берген сұхбатында.
Уитакер сондай-ақ АҚШ-тың еуропалық сатып алулар аясында Украина Қарулы күштерін ұрыс даласында қолдануға қажетті қару-жарақпен қамтамасыз етуді көздейтінін де айтты.
АҚШ президенті Дональд Трамп бұған дейін АҚШ пен Еуропалық Одақ Киевке америкалық қару-жарақ жіберуге келіскенін, шығындарды Еуропа өз мойнына алатынын айтқан. Жеткізулер тек зымырандарды емес, Patriot батареяларын да қамтиды.
Ресей Украинаға қару-жарақ жеткізу қақтығысты реттеуге кедергі келтіреді, НАТО елдерін қақтығысқа тікелей тартады деп санайды. Ресей сыртқы істер министрі Сергей Лавров Украинаға арналған қару-жарақ бар кез келген жүк Ресей үшін заңды нысана болатынын мәлімдеді. Кремль Батыстың Украинаға қару жіберуі келіссөздерге ықпал етпейтінін және кері әсер ететінін жеткізді.
