Қазақстанда тіркелген автокөлік құралдарының саны 6 460,4 мың бірлікке жетті
Бұл туралы Caravan.kz медиа порталы Sputnik.kz-ке сілтеме жасап хабарлайды.
Қазақстан бойынша маусым айында 159,2 мың автокөлік есепке қойылды, деп хабарлайды Ұлттық статистика бюросы.
Есепке қойылған 159,2 мың автокөліктің ішінде:
жеңіл автомобиль – 143 мың,
жүк көлігі – 9,8 мың,
автобустар – 1,3 мың,
мототранспорт – 5,1 мың.
«Жалпы 1 шілдедегі жағдай бойынша Қазақстанда тіркелген автокөлік құралдарының саны 6 460,4 мың бірлікке жетті, оның ішінде 86,6% – жеңіл автомобильдер, 9,6% – жүк көліктері, 1,8% – автобустар, 2% – мотокөліктер», — деп жазды ведомство.
Автокөліктердің 67%-і, яғни 4,3 млн-нан астамы 10 жыл бұрын шыққан. 1,6 млн көліктің жүргеніне 3-10 жыл болған. Ал үш жылға толмаған, яғни жаңа көлік саны небәрі 453,1 мың бірлік.
