Сарапшылар дабыл қағып отыр.
БҰҰ Ормуз бұғазының жабылуы салдарынан бірнеше апта ішінде "ауыр гуманитарлық дағдарыс" басталуы мүмкін екенін мәлімдеді, деп хабарлайды inbusiness.kz сайты BILD-ке сілтеме жасап.
БҰҰ өкілі Жорже Морейра да Силва 45 миллионға дейін адам аштыққа ұшырауы ықтимал деп дабыл қағып отыр. Бұған негізгі себеп – тыңайтқыштар. Олар әлемдік азық-түлік өндірісі үшін аса маңызды рөл атқарады және бұрын теңіз арқылы, соның ішінде Иран бұғаттаған бұғаз арқылы жеткізіліп келген. Тыңайтқыш тапшылығы өнім көлемінің төмендеуіне және азық-түлік бағасының қымбаттауына әкелуі мүмкін.
БҰҰ-ның Азық-түлік және ауыл шаруашылығы ұйымы барлық елді балама сауда бағыттарын табуға, сондай-ақ тыңайтқыш экспортын шектемеуге шақырды.
