Жетісу облысы Панфилов ауданының тұрғындары «Таза Қазақстан» акциясын ауқымды түрде өткізді.
Олар ауданға кіреберіс жол бойына 7 мың көшет егіп, суару үшін арнайы арықтар қазды. Ал Жаркентте жаңадан салынып жатқан арбат 500-ге жуық қылқан жапырақты ағашпен көмкерілді. Сонымен қатар Атамекен ауылында орталық саябақ жөнделіп жатыр. Демалыс аймағы осы айдың аяғында абаттандырылып, халық игілігіне беріледі.
Дидар Ешенов, Панфилов ауданы әкімінің орынбасары:
- Жыл басынан бері «Таза Қазақстан» акциясы шеңберінде 15 мыңға жуық көшет ағаштар отырғызылды. Бұл жұмыс әрі қарай жалғасын таба береді. Алдағы уақытта көшелерді абаттандыру және парктерді абаттандыру жұмыстары жалағаса беретін болады.
