Қытай астанасы Бейжіңде гуманоидты роботтарды даярлауға арналған елдегі ең ірі орталық жұмысын бастады. Бұл кешен «роботтар мектебі» деп аталады.
Мұнда машиналар өндіріс орындары мен тұрмыстық ортаға жіберілер алдында кешенді дайындықтан өтеді. Орталықта зауыт цехтары мен тұрғын үй кеңістіктеріне ұқсас зертханалар жасалған. Осындай ортада роботтар күнделікті және өндірістік міндеттерді орындауды үйренеді. Атап айтқанда, оларға сәлемдемелерді сұрыптау, заттарды тасымалдау, тамақ пісіру сияқты тапсырмалар беріледі. Жобаның мақсаты – гуманоидты роботтарды өнеркәсіпке де, тұрмыстық кеңістікке де жаппай енгізу.