Атырау облысындағы білім ордалары жаңа оқу жылына дайындықты ерте бастады. Бүгінде бірқатар мектептің шатыры жаңартылып, сынып бөлмелері қайта жаңғыртылды.

Облыс әкімі Серік Шәп­­­­ке­новтің мә­лі­ме­тіне сүйен­сек, ре­но­вация бағдар­ла­масы аясында 9 мектепте күрделі жөндеу жүріп жатыр. Оның ішінде 5 мек­тептегі жұмыс 1 қыр­күйек­ке дейін, ал 3 білім орда­сындағы жөндеу жыл соңына таман аяқ­­талады. Бірақ бір мек­теп­ті жөн­деу алдағы жылы да жалға­са­ды.

«Жаңадан үш «Келешек мек­тептері» ашылды. Осы кезге дейін 298 педагог білік­ті­лікті арттыру курсынан өтті. Өңірдегі 25 мектеп модернизациядан өткізіліп, химия, физика, биология, роботтехника, STEM және басқа пәндер үшін қосымша модификациялық үлгідегі 130 кабинет жабдығы сатып алынды. 364 білім беру мекемесі бейнебақылау камерасымен, турникетпен, лицензияланған күзет және дабыл түймесімен жабдықталды», дейді Серік Шәпкенов.

Қазір облыста 20 мектептің құрылысы жүріп жатыр. Биыл 15 мектеп пайдалануға бері­ле­ті­ні жоспарланып отыр. Бұл бі­лім ордаларында 13 200 орын бар.

Мұнайлы шаһарда 68 мек­теп бар. Қалалық білім бөлі­мі­нің басшысы Айнагүл Дүй­с­екенованың мәліметіне қарағанда, шаһар мен оған ірге­лес орналасқан елді мекен­дердегі 16 мектепті жаң­ғырту жұмысы 2022–2023 оқу жылында басталған. Соның ішінде №44 мектеп-гимназиясы, Б.Момышұлы атындағы №25, Ф.Оңғарсынова, М.Отаралиев, М.Өтемісұлы атын­дағы және Еркінқала ауыл­дық округіндегі орта мек­тептің сынып бөлме­ле­рі жаңғыр­ты­лып­ты.

«Модернизациялаудағы бас­­­ты мақсат – ауыл мектеп­терін­дегі пәндік кабинеттерді за­­манауи құрал-жабдықтармен қам­ту, әлеуметтік маңызы бар ны­­сандарды жаңарту. Білім орда­ларының кітапханасы, пән­дік және компьютерлік сы­нып­тары, спорт залдары ж­аңар­­ты­лып, пайдалануға беріл­ді», деді А.Дүйсекенова.

Индер аудандық білім бө­лі­мінің басшысы Орынтай Ділмұқашеваның дерегіне сүйен­сек, осы кезге дейін 15 мек­тепте, 11 балабақша мен 3 қосымша білім беретін нысанда жөндеу жұмысы аяқталған. Ал М.Сиранов атындағы орта мектепте күрделі жөндеу жұ­мыс­тары басталыпты.

«Қазір 30 мектеп жаңа оқу жылына толық дайын тұр. Биыл аудандағы білім беру мекемелеріндегі жылу қазан­дық­тарын ауыстыру қа­жет­­тілігі туындаған жоқ», дейді О.Ділмұқашева.

Ал Жылыой аудандық білім бөлімі басшысының мінде­тін атқарушы Гүлжансара Таңа­та­ро­ваның дерегінше, мұн­да жалпы орта білім беретін 20 мектеп, 24 балабақша, мектептен тыс 4 мекеме, №2 педагогикалық-психологиялық түзету кабинеті жұмыс істейді.

«Жаңа оқу жылында 825 сыныпта 18 816 оқушы білім алатыны жоспарланып отыр. Шағын орталықта 200, ал 58 мектепалды даярлық сыныбында 1 265 бала тәрбиеленеді. 2025–2026 оқу жылында 1-сыныпқа 1763 оқушы қабылданды», дейді Г. Таңатарова.

Бұл ауданда ерекше білім беруді қажет ететін 300-ге жуық оқу­шы тіркелген. Оларға қол­дау көрсету мақсатында 7 мек­тепте арнайы инклюзивті бі­лім беру кабинеті ашылған. Биыл «Samruk-Kazyna Trust» корпоративтік қорының демеу­шілігімен №7, №8, №16, №18 және №21 орта мектептері КПИ кабинетімен жабдықтау көзделіп отыр.

Ресеймен шекарадағы Құр­манғазы ауданының оқу­шы­лары 33 мектепте білім алады. Аудандық білім бөлі­мінің басшысы Еділ Баяровтың айтуын­ша, оның ішінде 27 орта, 3 негізгі, 3 бастауыш білім ордасы бар. Бұдан бөлек, 5 қосымша білім беру мекемесі, №5 психо­­ло­гиялық-педагогикалық түзеу кабинеті жұмыс істейді.

«Ауданда үш ауысымды және апатты жағдайдағы мектептер жоқ. Жалпы орта білім беретін 33 мектептің 7-еуі бір ауысымда, 26-сы екі ауысымда жұмыс істейді. Алайда оқушы орнына тапшылық бар. Осы мәселені шешу мақсатында «Келешек мектептері» ұлттық жобасы аясында Құрманғазы және Ақкөл ауылында 600 орындық 2 мектептің құры­лысы жүріп жатыр. Бұл нысан­дар­дың құрылысы жыл соңына дейін аяқ­талады», дейді Еділ Баяров.

Білім ордаларын қысқы мау­сым­ға дайындау мақсатын­да 20 электр генераторы сатып алын­ған. Екі мектепке автономды модуль­ді қазандық орнатылылып жатыр.

«Биыл 7 мектепте 28 оқу кабинеті (биология, химия, STEM, АӘД, еңбек, инклюзив, география, математика, қазақ тілі, бастауыш, психолог) орнату толық аяқталды. Енді бір білім ордасындағы жұмысты қыркүйекке дейін аяқтау көздел­ді. Аудандағы 16 мектептің мате­риал­­дық-техни­ка­лық базасын нығай­ту үшін 1 425 парта, 283 шкаф, 96 тақта сатып алынды», дейді Е.Баяров.

Атырау облысы