Бүгін түнде АҚШ бұрынғы президенті Дональд Трамп Қазақстаннан әкелінетін барлық тауарларға 25 пайыздық баж салығын енгізетінін мәлімдеді, деп хабарлайды Skifnews.kz ақпарат порталы.
Қазақстан Президентіне жолдаған хатында Трамп екі ел арасындағы сауда қатынастарының берік екенін атап өтті.
«АҚШ Қазақстанмен жұмысын жалғастыруға дайын, сіздің ұлы еліңізбен айтарлықтай сауда тапшылығына қарамастан», — деді ол.
Сонымен бірге, Трамп бұл шараның мәжбүрлі екенін жеткізді.
«Бұл тарифтер саудадағы кедергілерді түзету үшін қажет. Сауда теңгерімсіздігі біздің экономикамызға және ұлттық қауіпсіздігімізге айтарлықтай қауіп төндіреді», — деп жазды ол.
Дәл осындай мазмұндағы хаттар дүйсенбі күні тағы 10-нан астам елге жолданған. Жапония, Оңтүстік Корея, Малайзия және Тунис үшін 1 тамыздан бастап 25 пайыздық баж салығы күшіне енеді. Оңтүстік Африка Республикасы мен Босния және Герцеговина үшін — 30 пайыз, Сербия мен Бангладеш үшін — 35 пайыз, Индонезия үшін — 32 пайыз, ал Лаос пен Мьянма үшін — 40 пайыз.
Қазақстан Сауда және интеграция министрлігі тарапынан ресми түсіндірме дайындалып жатыр.
