АҚШ-тың Халықаралық сауда жөніндегі федералдық соты президент Дональд Трамп енгізген тарифтерді заңсыз деп таныды. Алқа Ақ үй басшысы өз өкілеттігін асыра пайдалану арқылы экономикалық дүрбелең тудырды деп есептейді.
Негізі заң бойынша салық өзгерістерін Конгресс қабылдауы керек. Десе де Трамп әкімшілігі сот шешімімен келіспей, аппелляциялық шағым түсірді. Ақ үй басшысы: «Халықаралық төтенше жағдайда Экономикалық өкілеттіктер туралы заңға сәйкес бір жақты әрекет ете аламын», – дейді. Бұл жердегі әңгіме Қытайға 30%, Мексика мен Канадаға 25% және 10%-тік салық салу туралы болып отыр.
