АҚШ-тағы Демократиялық партияның рейтингі кейінгі 35 жылда болмаған деңгейге төмендеді. Оны The Wall Street Journal басылымы сауалнама жүргізу барысында анықтаған.
Онда дауыс берушілердің 63%-ы демократтарға қатысты жағымсыз пікір айтып, небары 33% қолдау білдірген. Көпшілік партияның сыртқы саясатын қатты сынға алды. Сондай-ақ Дональд Трамптың экономика саласындағы шешімдерін құптамайтынын да жасырмайды. Бұл ретте Республикалық партия халық арасында айтарлықтай қолдауға ие болды. Олардың жұмысына дауыс берушілердің 40%-дан астамы оң бағасын берген.
