Қазақстанда 2025 жылдың қаңтар-сәуір айлары аралығында әйелдер жасаған 3 мың қылмыстық құқықбұзушылық тіркелді – бұл өткен жылдың осындай кезеңімен салыстырғанда 13,2%-ға көп. Бұл деректерді ҚР Бас прокуратурасы Құқықтық статистика және арнайы есепке алу комитеті жариялады, деп хабарлайды Egemen.kz.

Қай өңірлерде әйел қылмыскерлер көп, ал қай жерлерде аз?

Ең көп құқықбұзушылық жасаған әйелдер саны бойынша көшбасшы – Алматы қаласы: мұнда 438 әйел тіркелген (2024 жылмен салыстырғанда +8,7%).

Алдыңғы үштікке сондай-ақ келесі қалалар кірді:

  • Астана – 298 жағдай,

  • Шымкент – 280 жағдай.

Ал үздік бестікке тағы да:

  • Түркістан облысы – 183 адам,

  • Алматы облысы – 165 адам.

Ең аз құқықбұзушылық тіркелген өңірлер:

  • Абай облысы – 84,

  • Солтүстік Қазақстан облысы – 75,

  • Ұлытау облысы – 25.

2025 жылдың алғашқы төрт айында әйелдер ең жиі сотталған Қылмыстық кодекс баптары:

  • Алаяқтық – 833 жағдай (+13,5% 2024 жылмен салыстырғанда);

  • Ұрлық – 768 жағдай;

  • Соққы беру – 332 жағдай.

Осы үш бап барлық әйелдер жасаған қылмыстық құқықбұзушылықтардың 63,8%-ын құрайды.

Сондай-ақ кең таралған басқа баптар:

  • ұсақ ұрлық ,

  • қасақана жеңіл дене жарақатын салу,

  • сеніп тапсырылған бөтен мүлікті иемдену немесе ысырап ету,

  • жол жүру ережелерін немесе көлік құралдарын пайдалану ережелерін бұзу.

Сол кезеңде – 2025 жылдың қаңтар-сәуір айларында – әйелдерге қарсы 17 мың қылмыстық құқықбұзушылық жасалған. Бұл өткен жылдың осы уақытымен салыстырғанда 7 іске артық.

Әйелдерге қарсы ең жиі жасалатын құқықбұзушылықтар:

  • Алаяқтық – 8,6 мың жағдай (жалпы санының 50,4%-ы, жыл ішінде -2,2%);

  • Ұрлық – 3,1 мың;

  • Соққы беру – 1,4 мың;

  • Қасақана жеңіл дене жарақатын салу – 549;

  • Жол жүру ережесін немесе көлікті пайдалану ережесін бұзу – 450;

  • Ұсақ ұрлық – 388;

  • Алимент төлемеу – 286.