АҚШ билігі Ауғанстан азаматтарына виза беруді уақытша тоқтатты. Бұл туралы мемлекеттік хатшы Марко Рубио хабарлады. Бұған дейін АҚШ иммиграциялық қызметі шетел азаматтарына босқын мәртебесін беру өтініштерін қарауды шектеген еді.
Бұған бірер күн бұрын Вашингтонда тапа-тал түсте болған оқиға себеп. Белгісіз біреу Ақ үйдің жанында оқ атып, АҚШ Ұлттық гвардиясының екі сарбазын жаралады. Ұсталған күдікті Ауғанстан азаматы болуы мүмкін. Өйткені оның аты-жөні мен түр-сипаты 2021 жылдың тамыз айында сол елден АҚШ-қа көшіп келген ер адамның жеке деректерімен сәйкес келеді.
