7 қазаннан бастап Израиль армиясы Газадағы медицина қызметкерлеріне қарсы шабуыл жасап, 1580-ін қазаға ұшыратты, деп хабарлайды El.kz ақпарат агенттігі.
Бұл шабуылдар аймақтағы денсаулық сақтау жүйесінің күйреуіне әкеліп, ауруханалар мен дәрігерлердің отбасыларын жоюға бағытталған. Газа денсаулық сақтау министрлігінің мәліметінше, бұл – Газадағы геноцидтің бір бөлігі.
Соңғы қайғылы оқиғалардың бірі 24 мамырда Хан-Юнисте болды. «Насер» ауруханасының дәрігері Ала ән-Наджар жұмысына кетіп бара жатқан кезде оның үйі зымыран соққысына ұшырады. Салдарынан оның тоғыз баласы – Яхья (12 жас), Ракан (10 жас), Иф (9 жас), Джубран (8 жас), Рислан (7 жас), Рифан (5 жас), Сидин (3 жас), Локман (2 жас) және Сидра (6 айлық) – қаза тапты.
Ал ән-Наджардың жолдасы, өзі де дәрігер Хамди ән-Наджар (40 жас) және олардың үлкен ұлы Адем (11 жас) ауыр жарақат алып, жансақтау бөліміне жеткізілді.
