Оқыс жағдай Түркістан көшесіндегі көпқабатты тұрғын үйлердің бірінде болды, деп хабарлайды inbusiness.kz сайты.
Куәгер Шыңғыс Түсіпбаевтың айтуынша, бала ес-түссіз күйде үйдің күнқағарында жатқан.
2-қабаттағы пәтер тұрғыны оны төменге құлап кетпес үшін қолынан ұстап тұрған.
Сол сәтте өтіп бара жатқан адамдар көмекке жүгірген. Біреуі төменде жамылғымен дайын тұрса, тағы бірнеше жігіт 2-қабаттағы пәтерге кіріп, терезеден шыққан.
Абай есімді жігіт күнқағарға шығып, баланы ішке алып кірген.
Жедел жәрдем дәрігерлері балаға алғашқы көмек көрсетіп, оны ауруханаға алып кеткен.
Баланың анасы қатты шок алған.
