Президент Қасым-Жомарт Тоқаев 2025 жылғы 28 маусымда Қазақстан Республикасы кассациялық соттарының басшылары мен судьяларын тағайындау туралы Жарлыққа қол қойды.
Жаңа сот 2025 жылдың 1 шілдесінен бастап жұмысын бастайды, деп хабарлайды inbusiness.kz сайты Ақордаға сілтеме жасап.
Үш кассациялық соттың төрағасы тағайындалды:
- азаматтық істер бойынша — Асқар Смайылов (бұрын Алматы қалалық сотының төрағасы болды),
- қылмыстық істер бойынша — Ақан Жұмағұлов (бұрын Астана қаласы сотының төрағасы болды),
- әкімшілік істер бойынша — Берік Нажмиденов.
Сонымен қатар, бұрын қалалық, облыстық және мамандандырылған соттарға дейінгі барлық деңгейдегі соттарда жұмыс істеген ондаған судья тағайындалды. Олар — елдің барлық өңірінің сот жүйесінен өткен тәжірибелі заңгерлер.
1 шілдеден бастап не өзгереді?
Жарлық күшіне енгенннен кейін Қазақстанда азаматтық, қылмыстық және әкімшілік істер бойынша мамандандырылған кассациялық соттар жұмысын бастайды, олар төменгі соттардың күшіне енген шешімдеріне қатысты шағымдарды қарайды. Барлық үш сот Астана қаласында орналасады.
Кассациялық соттар бұрын қабылданған шешімдердің заңдылығы мен негізділігін тексеру міндеті жүктелген ел ішіндегі соңғы инстанция болады. Бұл деңгейді құру сот төрелігінің сапасын арттыруға, қоғамның сот жүйесіне деген сенімін күшейтуге және сот тәжірибесінің біркелкілігін қамтамасыз етуге бағытталған.
