Атырауда жас өнертапқыштар жаңа жобаларын ұсынды.
Жұмысшы мамандықтары жылы аясында ұйымдастырылған облыстық байқауда студенттер цифрлық жоба, инженерлік макет және үздік инновациялық шешім бағыттары бойынша сынға түсті. Су басу мен жер сілкінісінен қорғайтын ақылды үй, суды үнемдеу және оны қайта пайдалану секілді жобалар ерекше көзге түсті. Бұған қоса киберқылмыстардың алдын алып, тұрғындардың цифрлық сауатын арттыруға бағытталған жаңа бағдарлама да бүгінгі қоғамға қажет жоба деп танылды. Дарынды жастардың ғылыми-техникалық қабілетін шыңдау мақсатында үздік жобалар қолдауға ие болады, дейді ұйымдастырушылар.
Тоғжан Аманқос, студент:
- Қазіргі уақытта үлкен кісілер болсын, жастар болсын, барлығы фишинг деп айтады ғой, фишингке байлаулы болып қалады. Біз контактная информация арқылы адамның мобильді қосымшасындағы бар приложениелерді тексереміз. Қандай шабуыл жасалуы мүмкін немесе парольді біреу қарады ма, парольді қиындату керек пе деген сияқты.
Маржан Ләпиденова, О.Көшеков атындағы аграрлық-техникалық колледж директорының м.а.:
- Студенттік стартап дейтін бар немесе түрлі кәсіпорындар бар бізде. Қазіргі эксперт болып келіп отырған да сол белді кәсіпорындарымыздың маман-майталмандары деп айтсақ та болады. Олар келіп, осы өздері сараптап, әрі қарай солармен жұмыс жүргізіп, тағы да басқа жұмыспен қамту немесе сондай қолдау көрсетіледі.
