Болжам бойынша, күзге қарай ет бағасы Қазақстанның басқа өңірлерінде де өсуі мүмкін.
Шымкентте сиыр етінің бағасы бір апта ішінде 4200 теңгеден 5000 теңгеге дейін өскен, деп хабарлайды Caravan.kz медиа порталы 31 арнаға сілтеме жасап.
Сарапшылар бұған бірнеше себепті атап отыр: өндірушілердің аздығы, жем-шөптің қымбаттауы және ет экспортының артуы.
Сатушылардың айтуынша, олардың үстеме бағасы үлкен емес, бірақ еттің өзіндік құны өте жоғары. Бұл жағдай тұтынушыларға да әсер етуде – олар еттен бас тартпаса да, басқа қажеттіліктерін қысқартуға мәжбүр.
Ауыл шаруашылығы мамандарының пікірінше, бағаның көтерілуіне себеп – аптап ыстықтан жем-шөп дақылдарының жойылып кетуі. Оңтүстік өңірлерде мал азығы тапшылығы туындап, жем басқа аймақтардан тасымалдануда. Ал бұл – өте қымбат әрі күрделі логистикалық процесс.
Болжам бойынша, күзге қарай ет бағасы Қазақстанның басқа өңірлерінде де өсуі мүмкін.
Сарапшылар 2026 жылы жағдай тіпті қиын болуы мүмкін деп ескертіп, мал азығын дайындау тәсілдерін қайта қарауға шақырады.