Freedom Bank және "Даму" кәсіпкерлікті дамыту қоры банктің " Өрлеу " бағдарламасына қатысуы туралы келісімге қол қойды. Жоба аясында шағын, кіші және орта кәсіпорындардың иелері белгіленген 12,6%-бен қолжетімді қаржыландыруды ала алады.
Инвестициялық мақсаттарға арналған қарыздың ең жоғары сомасы – 7 млрд теңге, 10 жылға дейінгі мерзімге. Айналым қаражатын толықтыру үшін 3 жылға дейінгі мерзіммен 3,5 млрд теңгеге дейінгі қарыздар көзделген.
Бағдарлама кәсіпкерлік қызметтің кең спектрін қамтиды: өңдеу өнеркәсібі, білім беру және денсаулық сақтау, ауыл шаруашылығы, орман және балық шаруашылығы, көлік және қоймалау және басқалар.
Айдос Жұмағұлов, Freedom Bank Директорлар кеңесінің мүшесі:
"Кәсіпкерлікті дамыту – бұл ел экономикасының өсуіне әсер етудің айқын тәсілі. Біз үшін қаржы институты ретінде бизнесті қолдау – бұл маңызды бағыт. Біз қолжетімді қаржыландырудан бастап ШОБ үшін ыңғайлы цифрлық шешімдерге дейін кәсіпорындардың әлеуетін арттыру үшін мүмкіндіктер жасаймыз. Мемлекет пен қаржы институттары дамудың бірыңғай векторын таңдағанда, осындай ынтымақтастықтың нәтижесінде жұмыс орындары пайда болады, өңірлік инфрақұрылым дамиды, адамдардың өмір сүру сапасы жақсарады".
Қаражаттың қажетті сомасын алу үшін кепіл жеткіліксіз қамтамасыз етілген жағдайда қазақстандық компаниялар "Даму" қорының портфельдік кепілдігін пайдалана алатынын айта кету керек.
Қарызды ресімдеу үшін жақын жердегі Freedom Bank филиалдарына хабарласу қажет.
*25.06.2024 ж. берілген №1.1.108 банктік және өзге де операцияларды жүргізуге арналған ҚНРДА лицензиясы
**PR құқығында