Танымал пластикалық хирург Берік Қалмен қазақстандық шоу-бизнес өкілдерінің арасында өзіне ота жасатқан өнер иелері бар екенін айтты, деп Malim.kz тілшісі Ozgerisinfo instagram арнасына сілтеме қалдырып хабарлайды.
Хирург әлеуметтік желідегі парақшасында видео жариялап, танымал тұлғаларды екі топқа бөліп қарастырған. Оның бірі – пластикалық ота жасатқан жұлдыздар болса, екіншісі – табиғи сұлулығын сақтап жүрген танымалдар.
Берік Қалменнің айтуынша, пластикалық хирургия қызметіне жүгінгендердің қатарында Баян Мақсатқызы, Динара Сәтжан, Жанар Дұғалова, Кәмшат Жолдыбаева және Жәния Джуринская бар.
Ал хирург Айдана Меденова мен Damilya Sweet-ті табиғи сұлулығымен ерекшеленетін танымалдар қатарына қосқан.
Видеоның өзінде маман кейбір есімдерді атағанда "Көрсеңіз, кешірім сұраймын" деп пікірінің жеке тәжірибесі мен көзқарасына негізделгенін аңғартқан.
Хирургтің бұл мәлімдемесі әлеуметтік желі қолданушыларының назарын аударды. Бірі танымалдардың сырт келбетіне қатысты мұндай пікірлерді қалыпты қабылдаса, енді бірі адамның қандай косметологиялық немесе хирургиялық процедура жасағаны жеке мәселе екенін алға тартуы мүмкін.
Айта кетейік, пластикалық отаға қатысты ақпаратты адамның өзі ашық айтпаған жағдайда, мұндай мәлімдемелерді хирургтің жеке пікірі ретінде қабылдаған жөн.
Дереккөз: Malim · Алуа Әшірбекова
