Ернұр Батырғали Қазақстан құрамасының қоржынына алғашқы алтын медальді салды .
Бұл туралы Caravan.kz медиа порталы хабарлайды.
Қазақстан құрамасы дзюдодан Софияда (Болгария) өтіп жатқан кадеттер арасындағы әлем чемпионатында алғашқы алтын медалін жеңіп алды.
Дзюдошы 60 келіге дейінгі салмақта үздік атанды. Шешуші кездесуде Батырғали Тәжікстан құрамасының өкілі Лоик Кудбудиновты жеңді.
Айта кетейік, бұған дейін әлем чемпионатында Арман Мыса (50 келіге дейін) үшінші орын алған еді. Ал, 66 келіге дейінгі салмақ дәрежесінде өткен шешуші кездесуде Жылқайдар Ресей спортшысы Рахим Хамхоевке жол беріп, күміс жүлдеге ие болды. Сол салмақ дәрежесінде Ролан Қайрғали канадалық Анечка Матиды жеңіп, жеңіс тұғырының үшінші сатысына көтерілді. Осылайша, ұлттық құрама қоржынында төрт жүлде бар.
