Айбек Дәдебай Президент әкімшілігінің басшысы лауазымынан босатылды, деп хабарлайды Ақордаға сілтеме жасаған KAZ.NUR.KZ.
"Мемлекет басшысының жарлығымен Айбек Арқабайұлы Дәдебай басқа жұмысқа ауысуына байланысты Қазақстан Республикасы Президенті әкімшілігінің басшысы лауазымынан босатылды", — делінген хабарламада.
Естеріңізге сала кетейік, Айбек Дәдебай Президент әкімшілігінің басшысы болып 2024 жылғы 6 ақпанда тағайындалған еді.
Ол 1980 жылы 1 сәуірде Алматы қаласында дүниеге келген.
2001-2002 жылдары Қазақ мемлекеттік халықаралық қатынастар және әлем тілдері университетінің халықаралық туризм менеджменті кафедрасында оқытушы болып жұмыс істеген.
2008-2011 жылдар аралығында сенат аппаратының парламентаралық байланыс және халықаралық ынтымақтастық бөлімінің сарапшысы, сенат төрағасының көмекшісі міндетін атқарған.
2011-2013 жылдар аралығында атташе, Женевада Қазақстанның БҰҰ-дағы тұрақты өкілдігінің үшінші хатшысы болған.
Кейін алты жыл парламент сенаты төрағасы хатшылығы меңгерушісінің орынбасары, меңгерушісі лауазымдарын атқарған.
2019-2021 жылдар аралығында – Президент кеңсесі бастығының орынбасары.
2021 жылғы мамырдан 2022 жылғы қаңтарға дейін – Президент іс басқарушысының орынбасары.
2022 жылғы қаңтардан 2024 жылғы ақпанға дейін ҚР Президенті Іс басқарушысы болды.
Мәтіннен қате тапсаңыз, бізге жазыңыз