Өзбекстан Президенті Шавкат Мирзиёев Астанаға келді. Бұл туралы үкіметтің баспасөз қызметіне сілтеме жасаған KAZ.NUR.KZ хабарлайды.
Үкіметтің баспасөз қызметінің хабарлауынша, Өзбекстан президенті Қазақстанның астанасына табан тіреді. Оны Қазақстанның премьер-министрі Олжас Бектенов әуежайдан күтіп алды.
Еске сала кетейік, бұған дейін Астанаға Түрікменстан және Қырғызстан президенттері келгенін хабарладық. Олар "Орталық Азия — Италия" саммитіне қатысады деп жоспарланып отыр.