Қазақстанның Азаматтық авиация комитеті Airbus әуе кемелерінің бағдарламалық жаңартуын толық аяқтағанын хабарлады. ААК өкілдері қазақстандық жолаушыларға алғыс айтты, деп жазады KAZ.NUR.KZ.
Комитеттің ақпаратына сәйкес, қазақстандық әуе компаниялары пайдаланатын Airbus үлгісіндегі әуе кемелерінде бағдарламалық қамтамасыз етуді жаңарту жұмыстары толық аяқталған.
Қазіргі уақытта Airbus үлгісіндегі барлық әуе кемелері талаптарға толықтай сәйкес келеді және штаттық режимде эксплуатациялануда.
"Ұшу қауіпсіздігін қамтамасыз етуге бағытталған техникалық жағдайға түсіністік танытқан барлық жолаушыларға алғыс білдіреміз.
Қазақстан Республикасы Көлік министрлігінің Азаматтық авиация комитеті, Қазақстанның авиациялық әкімшілігі, әуе компанияларының техникалық-инженерлік құрамы, сондай-ақ елдің әуежайлары барлық авиациялық процестердің үздіксіз жұмысын және қауіпсіздік стандарттарының сақталуын қамтамасыз ете отырып, қажетті жұмыстарды жедел түрде орындады", — делінген комитет хабарламасында.
Мәтіннен қате тапсаңыз, бізге жазыңыз