Нұрбек Нұртаза ұтыс ойындарын өткізгені үшін әкімшілік жауапкершілікке тартылған.
Қаржылық мониторинг агенттігі қазақстандық блогер Нұртаза Нұрбекке (Justking31) қатысты материалдарды қаржылық мән-жайларды анықтау үшін уәкілетті органға жолдады, деп хабарлайды inbusiness.kz сайты.
– Justking-ке қатысты материалдарды уәкілетті органға жолдадық. Олар аталған қызмет нәтижесінде қандай сомалар алынғанын және қанша қаражат жұмсалғанын анықтайды. Барлық факті нақтыланып, материалдар ұсынылғаннан кейін біз бұл әрекеттерге құқықтық баға береміз, – деді Қаржылық мониторинг агенттігінің төрағасы Жеңіс Елемесов Сенат кулуарында.
Бұған дейін блогер Instagram желісінде ұтыс ойындарын өткізгені үшін әкімшілік жауапқа тартылған болатын.
