Fox News арнасының жүргізушісі Брайан Килмид тікелей эфирде үйсіздер мен психикалық ауытқуы бар адамдардан "құтылу керек" деп мәлімдеп, "мәжбүрлі өлім инъекциясын немесе соған ұқсас бірдеңені" ұсынды, аталмыш мәлімдеме АҚШ-та үлкен дау тудырды, деп хабарлайды Zakon.kz.
Los Angeles Times басылымының мәліметінше, АҚШ-та психикалық аурумен ауыратын үйсіз адам украиналық босқын Ирина Заруцкаяны өлтірген. Осы қайғылы оқиғаны талқылау барысында журналист: "Жай ғана өлтіріңдер оларды", – деп айтқан.
Бұл сөздер көрермендердің наразылығын тудырып, интернетте сынға ұшырады. Артынша Килмид кешірім сұрады.
"Бұл өте қатыгез және жанашырлықтан ада пікірім үшін кешірім сұраймын. Мен, әрине, барлық психикалық ауытқуы бар үйсіз адамдар Солтүстік Каролинадағы қылмыскерлер сияқты емес екенін және көпшілігі біздің жанашырлығымыз бен қолдауымызға лайық екенін білемін", – деді Килмид.
Бұған дейін АҚШ-та Трамптың ең сенімді серіктерінің бірі әрі ықпалды жастар белсендісі Чарки Кирктің өлтірілгені жайлы жазғанбыз. Ол 10 қыркүйек, сәрсенбі күні Юта университетінде сөз сөйлеп тұрған сәтінде белгісіз адам тарапынан атылып, қаза тапты. Күдіктіні ұстауға көмектескендерге ФБР сыйақы жариялады. Көп ұзамай, күдікті де анықталды, ол небәрі 22 жастағы бозбала.