Қазақстандық боксшы Балауса Мұздиман кәсіби рингтегі кезекті жеңісіне жетті. Отандық спортшы қарсыласын нокуатқа жіберді, деп хабарлайды KAZ.NUR.KZ.
Алматы облысының тумасы Ali Akhmedov Promotion ұйымының алғашқы турниріне қатысты. Жекпе-жек Балуан Шолақ атындағы спорттық-мәдени кешенде өтті.
Балауса Мұздиман индиялық Мамта Сингхпен жұдырықтасты. Жекпе-жек 10 раундқа жоспарланған, алайда уақытынан бұрын аяқталды.
Қазақстандық боксшы кездесудің басында қарсыласын екі рет нокдаунға жіберді. Нәтижесінде индиялық спортшы төртінші раундқа дейін жұдырықтасып, соңында төреші техникалық нокаут тіркеп, жекпе-жекті тоқтатып тастады.
Балауса Мұздиман екінші аса жеңіл салмақтағы (52,2 келіге дейін) UBO чемпиондық белбеуінің иегері атанды.
Мәтіннен қате тапсаңыз, бізге жазыңыз
