Синоптиктер алдағы демалыс күндері ел аумағында жаңбыр жауып, жел күшейіп және ауа температурасының төмендейтінін болжап отыр, деп хабарлайды “Қазгиромет” РМК-ға сілтеме жасаған KAZ.NUR.KZ.
Метеорологтардың мәліметінше, алдағы күндері Қазақстанның басым бөлігіндегі күн райына солтүстік-батыс циклоны және онымен байланысты атмосфералық фронтальды бөліктер әсер етеіп, кей жерлерде найзағай ойнап, жаңбыр жауады.
6 қыркүйекте солтүстік-батыста, 7-8 қыркүйекте солтүстікте, 8 қыркүйекте шығыс пен орталықта қатты жаңбыр, бұршақ, дауылды жел күтіледі.
Сондай-а республика бойынша желдің күшейіп, солтүстік-батыста, солтүстікте, шығыста, орталықта түнгі және таңертеңгі уақыттарда тұман түсуі ықтимал. Елдің оңтүстік-батысы мен оңтүстігінде шаңды дауыл тұруы мүмкін.
Бұдан бөлек, мына өңірлерде ауа температурасының төмендеуі күтіледі:
- Солтүстік-батыста түнде +8…+16°С, күндіз +15…+25°С;
- Солтүстікте түнде +8…+15°С, күндіз +13…+20°С;
- Орталықта түнде +7…+18°С, күндіз +15…+23°С;
- Оңтүстікте түнде +12…+20°С, күндіз +22…+30°С.
Ал шығыста ауа температурасы көтеріледі – түнде +5…+15°С, күндіз +20…+28°С. Батыста және оңтүстік-шығыста температуралық фон айтарлықтай өзгермейді.
Мәтіннен қате тапсаңыз, бізге жазыңыз
