Ескертулер негізінен алаңды қамтуға, трибуналар мен қауымдастық мүшелері үшін арнайы үй-жайларды дайындауға қатысты болды.
Алматыда Чемпиондар лигасының жалпы кезеңіндегі матчтарды өткізу алдында "Қайрат" футбол клубы Орталық стадионға қатысты барлық ескертулерді жойды. Бұл туралы туризм және спорт вице-министрі Серік Жарасбаев мәлімдеді.
Вице-министрдің айтуынша, соңғы "Селтикпен" өткен матч стадионның халықаралық ойындарды қабылдауға толық дайын екенін көрсетті. УЕФА дәстүр бойынша әрбір ойын алдында стадионды тексеріп отырады. Осындай тексеру "Реал Мадридпен" болатын матч қарсаңында да жүргізілді.
"Бұл бір ғана емес, төрт үй матчы болғандықтан, футбол клубы өз қаражаты есебінен стадионды ретке келтіруге тиіс болды. Қазір барлық ескертулер жойылды", – деді Серік Жарасбаев.
Оқи отырыңыз: "Қайрат" – "Реал Мадрид" ойыны: полиция билет сатып алу кезінде сақ болуға шақырады
Ескертулер негізінен алаңның жағдайына, трибуналарды жабдықтауға және ойынды бақылайтын УЕФА өкілдері үшін арнайы орындарды дайындауға қатысты болған.
