Қаржы министрлігі зейнетақы, ең төменгі күнкөріс деңгейі және АЕК көрсетілген заң жобасын жариялады. Бұл туралы ведомствоға сілтеме жасаған KAZ.NUR.KZ хабарлайды.
Қаржы министрлігі ресми сайтында 2026–2028 жылдарға арналған республикалық бюджет жобасын жариялады.
Құжатқа сәйкес келер жылы негізгі қаржылық көрсеткіштер келесідей болады.
- АЕК (айлық есептік көрсеткіш) – 4 325 теңге (2025 жылы – 3 932 теңге).
- Ең төменгі зейнетақы – 69 049 теңге (2025 жылы – 62 771 теңге).
- Базалық зейнетақы төлемі – 35 596 теңге (2025 жылы – 32 360 теңге).
- Әлеуметтік төлемдерге арналған ең төменгі күнкөріс деңгейі – 50 851 теңге (2025 жылы – 46 228 теңге).
Айта кетейік, АЕК-тің өсуі айыппұлдар, мемлекеттік баждар мен салықтардың мөлшеріне тікелей әсер етпек. Әлеуметтік төлемдер де осы көрсеткіштерге байланысты көбейеді.
26 тамызда Үкімет бұл бюджет жобасын мақұлдап, парламентке жіберді. Қазіргі уақытта жоба талқылануда. Мәжіліс пен Сенат депутаттары оған түзетулер енгізуі мүмкін. Бюджет туралы заң жылдың соңына дейін қабылданып, мемлекет басшысы оған қол қоюы керек. Ол келесі жылдың 1 қаңтарынан бастап заңдық күшіне енеді.
Мәтіннен қате тапсаңыз, бізге жазыңыз