Шымкенттегі қайғылы жағдай 28 тамызда Жылтоксана көшесінде, қалалық полиция департаментінің жанында болды , деп хабарлайды Skifnews.kz ақпарат порталы.
Құқық қорғау органдарының мәліметінше, әйел адам ағаштардың арасынан кенеттен шығып, белгіленбеген жерден жолды кесіп өтпек болған. Осы сәтте полицейдің көлігі келіп қалып, соның салдарынан жаяу жүргінші ауыр жарақат алып, оқиға орнында көз жұмды. Бұл дерек бойынша қылмыстық іс қозғалды. Алдын ала ақпаратқа сәйкес, жүргізушінің тарапынан жол ережесін бұзу белгілері анықталмаған.
"Ол рөлге мас күйде отырмаған және жылдамдық режимін сақтаған. Қазір тергеу амалдары жүргізіліп жатыр. Оның қорытындысы бойынша процессуалдық шешім қабылданады", – деп хабарлады Шымкент қалалық полиция департаменті.
