Реалдықтар Алматыға алыс сапарға шығатындарына көңілдері толмады.
"Реал Мадрид ТВ" арнасында мадридтіктердің алдағы Қазақстанға сапары сөз болып, олардың алыс сапарға шығатыны жүргізушілердің көңілінен шықпады. Чемпиондар лигасының жалпы кезеңінде "Реалға" алматылық "Қайратпен" жолығу бұйырды.
– Таңғалатын ештеңе жоқ. Ең алыс сапар тағы бізге түсті. Тура бағытпен 6500 шақырым, Қытайдың іргесінде. Өз үйімізден жырақта. "Реалға" тағы да ең ауыр жеребе бұйырды. Былтырғы маусымдағыдай, бірінші себеттегі басқа фавориттерге қарағанда бізге ең қолайсыз жағдай жасалды, – деді жүргізушілердің бірі күрсініп.
– Бір қызығы екі мәрте де жеребе компьютер арқылы жүргізілді. Бірақ бұл расымен де әділетсіз. Тек қарсыластардың мықтылығымен ғана емес, дәрежесі төмендеу командаларға қарсы да бізге ең ұзақ, ең қолайсыз сапарлар тап болады. Қытай шекарасына дейін небәрі үш жүз шақырым, – деп қоса кетті екінші жүргізуші.
"Сары-қаралар" өз алаңында бельгиялық "Брюггемен", гректің "Олимпиакосымен" және кипрлік "Пафоспен" күш сынасады.
Ал сырт алаңдағы айқастарда "Қайраттың" қарсыластары – Лондонның айбынды "Арсеналы", Миланның аты аңызға айналған "Интері", "Копенгаген" және Португалияның беделді "Спортингі".
