Мемлекет басшысы еліміздің Конституциясының қалыптасу тарихына тоқталды.
Президенттің айтуынша, 1993 жылы егемен Қазақстанның алғашқы Ата заңы бекітіліп, конституциялық құрылым айқындалды, деп жазады inbusiness.kz сайты.
Алайда жаңа тарихи жағдайға сай 1995 жылы 30 тамызда бүкілхалықтық референдум арқылы қазіргі Конституция қабылданды.
Президент Нұрсұлтан Назарбаевтың Конституцияны әзірлеу мен қабылдаудағы шешуші рөлін ерекше атап өтті. Құжатты дайындауға отандық заңгерлермен қатар шетелдік сарапшылар да қатысып, жобаны талқылауға миллиондаған азамат өз үлесін қосты.
Сондай-ақ Президент тәуелсіздік жылдары Конституцияға алты рет түзету енгізілгенін еске салып, ең ауқымды өзгерістер үш жыл бұрын жасалғанын айтты.
"Ел болашағына тікелей әсер ететін аса маңызды шешімдер тек референдум арқылы қабылдануы керек" – деді Мемлекет басшысы.
