АҚШ президенті Дональд Трамп Ресей президенті Владимир Путинге жұбайы Мелания Трамптың хатын тапсырды, деп хабарлайды inbusiness.kz сайты Reuters басылымына сілтеме жасап.
АҚШ президенті Дональд Трамптың жұбайы Мелания Трамп Украина мен Ресейдегі балалардың жағдайына байланысты алаңдаушылығын Ресей президенті Владимир Путинге жолдаған жеке хатында көтерді.
Ақ үйдің екі өкілі жұма күні хабарлағандай, Трамп хатты Путинге Аляскада өткен келіссөз барысында жеке өзі табыс еткен. Мелания Трамп бұл сапарға қатыспаған.
Ресми тұлғалар хаттың мазмұнын толық ашқан жоқ, тек онда Украинадағы соғыс салдарынан балалардың ұрлануы мәселесі қозғалғанын ғана хабарлады.
