"Аль-Наср" командасының шабуылшысы, 5 мәрте "Алтын доп" иеленген футболшының өзі оқиғаға қатысты пікір білдірмеді.
Фотоны саусағына үлкен гауһар жүзік тағып, мәз-мейрам болған модель жариялады, деп хабарлайды inbusiness.kz сайты.
Негізінен Роналду 31 жастағы Джорджина Родригеспен 9 жылдан бері бірге тұрып келеді.
"Мен ұсынысты қабыл алдым" деп жазды Джорджина әлеуметтік желіде.
40 жастағы футболшы мен испаниялық модель 5 бала тәрбиелеп отыр. Оның екеуі – ортақ баласы.
Айта кетейік, Криштиану Роналду "Аль-Наср" футбол клубында 2023 жылдан бері доп тебеді. "Манчестер Юнайтед", "Реал Мадрид" және "Ювентус" клубтарының намысын қорғаған ол 2008, 2013, 2014, 2016 және 2017 жылдарда "Алтын доп" иегері атанды.
Сондай-ақ, португалиялық Криштиану Роналду – 22 жыл қатарынан ұлттық құрама сапында гол соққан тарихтағы тұңғыш футболшы.
