Дональд Трамп АҚШ-тың ядролық қуатын кеңейту туралы 4 бұйрыққа қол қойды. Жаңа саясаттың мақсаты – алдағы 25 жылда атом энергиясын өндіруді төрт есеге арттыру, деп жазады inbusiness.kz сайты.
23 мамырда Америка Құрама Штаттарында атом энергиясын пайдалануды айтарлықтай кеңейтуге бағытталған төрт бұйрыққа қол қойылды. Олардың бірі Ядролық реттеу комиссиясының радиациялық әсердің қолайлы деңгейіне тым сақтықпен қарауға септігін тигізеді.
"Трамп қол қойған бұйрық комиссиядан 18 ай ішінде ядролық реактор құрылысын мақұлдауды талап етеді деп күтіліп отыр. Бұл әдетте жылдарға созылатын процесті тездетеді. Тағы бір құжат энергетика және қорғаныс ведомстволарына федералдық жерлерде ядролық реакторлар салуға мүмкіндік береді. Ол сондай-ақ ядролық энергияны қорғаныс қажеттіліктері мен жасанды интеллект (AI) операциялары үшін пайдалануға жол ашады", — деп жазады The Hill.
АҚШ билігі осы саладағы Қытай мен Ресейге тәуелділіктен құтылу үшін өз елінде уран өндіру мен байыту саласын да кеңейтуді жоспарлап отыр.
Reuters атап өткендей, Трамп әкімшілігі жасанды интеллектінің өркендеуіне байланысты ондаған жылдардағы бірінші рет электр энергиясына сұраныстың өсуіне тап болды.
"Трамп билікке келген бірінші күні-ақ ұлттық энергетикалық төтенше жағдай жариялады", — деп еске алады Reuters.
